(მინიატურა)

_ როგორ ხარ ნოე?
_ ვოლიერში დამწყვდეული მგელივით.
_ მთელი სოფელი იძახის, რომ ნოე გიჟიაო, როგორ ეგუები?!
_ ცხოველები მიყვარს და იმიტომ, სამი მგელი, ორი დათვი და არწივი მოვიშინაურე... შველიც მყავდა, ზალიკაანთ ოთარამ მომიკლა. ოხ მე მაგის...
_ იქნებ სოფელს ერჩიან შენი მეგობარი დათვები?
_ არა, ისე გავზარდე, არავის ერჩიან...
_ ასე რამ შეგაყვარა ცხოველები?
_ მათ ადამიანზე ძლიერი შუბლის ძარღვი აქვთ, არასოდეს უწყდებათ... არ იტყუებიან...
_ ნოე, ჯადოსნური ჯოხი, რომ გქონდეს და გაცოცხლება შეგეძლოს მკვდრისა, ვის გააცოცხლებდი?
...
_ სინდისს გავაცოცხლებდი, სინდისს...
ხალხში მკვდარსა და გათელილ სინდისს...