დღეს გმირთა სისხლი აწვიმს მთელ თბილისს
ჩვენს მამულს ძაძა დღესაც აცვია
და მემორიალს როკვით გათელილს
ტყემლის ფოთოლი ცრემლად აცვივა

თავგანწირულთა სისხლით
ქვაფენილს
"მამულისათვის" დღესაც ატყვია
მათ საფლავზე კი ტიტებს ძნად ფენილს
"კომპარტიისგან" ლენტად არტყია

სამშობლოს ორზღვა შუა გაჭექილს
რა ეშველება თქვი მალაქია
დღეს ბატონს ღვთისგან გუშინ დაწყევლილს
მადა აღძრული ლოკავს ლაქია

ვაი ახლანდელ თავისუფლებას
და ძველ მონობას შორის უფალო
რა ბედენაა?! რა განსხვავება?!
გვებრძოდნენ ხმლით და გვკლავენ უხმალოდ...