სიყვარულის კაკანათში
მგალობელი გაბმულა
და ჭიკჭიკებს ამანათი
ნაზი ქსელის გაბმულად,

ვერ იქცევა სათანადოდ
ბედნიერი სულელი,
სიყვარულის სათამაშო,
მეტრფე განუკურნელი.

არ ადარდებს ბანგით გამტყვრალს
შელახული უფლება,
დაუმონა გულის ნატვრას
ნების განკარგულება.

ანჩხლობს ნება ნაკამათი,
არ იძლევა კურთხევას:
„დათმე ოქროს კაკანათი
დამიბრუნე სუფევა!“

7 ივლისი, 2023 წ.

ამანათი - მძევალი (ამ არაბული წარმომავლობის სიტყვის მეორე მნიშვნელობაა)