ვეცადე და ვერ დავხურე კარები
გელოდი და არ დავხუჭე თვალები
რადგან სიზმრად შენი ხილვა მეწადა
უჩემობით კერძი ცივად გეჭამა.


კარსაც ვაღებ და ეს სიზმარია
მზე დაწვა წუხელ გიჟურად ჩვენთან
მე სიტყვა მწადდა თუმცა გულაღმა
შენი ამბორი ყელსაც გადასწვდა

ფრთხილობ და სიტყვებს სარკეზე აწყობ
არეკლილია შენი ფიქრები
მე გაგიჩინე უთმო ჭაღარა
შენ ჭაღარიან გულსაც  შემოწვდი

მერე დარდები იყო კეცებად
ცამ გამოიდო ტრიდე ყურმილი
მელანდებოდა მოხუცი ბებო
შენ საკურნებლად მტრედის ღუღუნი

სხვანაირია ეს გზები ტევრის
მომავალია ბრძოლა მეღირსა
გამოიტანა ხიჭვების კონა
კორიანტელში ნაცრის ქექვისა

ვიბრძოდით გულის გარეთა ნიშით
შემოვიძარცვეთ ხორცის თავშლები
ყველგან ღმერთია გრძნობისად ღელვა
ღელვა ზღვის დარი შენი შეხების

გამოიშუქე ციცინათელავ
ფოსფორის რძე და ყველი იგემე
დაფლეთილ დღეზე ღამეს დანისლავს
პეპლებით ფარი-გულის სამიჯნე.

აღარც რომ მომწონს ჩემი ჯინი
ბზრიალი თვალთა ხელ-ფეხ-ბორკილი
სხვა სამეგობრო გონებით დავა
მინდა კვლავ ვცადო გზაშემოვლითი

გადავაფარო ამ დარდებს ფარჩა
მხოლოდ კედლებსაც ზოგჯერ ვუსმინო
დასავიწყებელ ქარიშხლიან დღეს
მხოლოდ სიტყვები არ დავივიწყო.