ცაში გაფრენილო დედი -
ჩემო საყვარელო ღმერთო,
თუმც დღეს აღარ მყავხარ გვერდით,
შენთვის სანთლად მინდა ვენთო.

დარდთან უძლური ვარ დედი,
დროც ვერ მომიშუშებს ტკივილს,
მცივა უშენოდ და დღემდე
მამის ლოგინია ცივი.

ვიდრე ლექსებს ვწერ და მართალს
ვამბობ... ენატრები შენ შვილს,
თუმც დღეს აღარ წევხარ ქმართან,
ცოცხლობ სამუდამოდ ჩვენში.

ისევ ვევედრები ზენას
ცაშიც შეგვახვედროს... ღმერთის
დიდი იმედი მაქვს... რწმენას
ჩემი სიყვარულიც ერთვის.

ოთარ რურუა

2024