მე შენს სიმებზე დავუკრავ სოლოს,
დღეს შევასრულებ ბოლო პატრიას ,
რადგანაც შენგან იღვრება მხოლოდ,
ყველა მუსიკა- რაც დამმართნია.

უკანასკნელად ვაჟღერებ გამმებს,
შენი სხეულის გამოთლილ წელზე
და ამ მუსიკით გაჟღენთილ წამებს,
ძარღვებში ვუშვებ- ვით ბრძოლის ველზე.

ვიცი შემინდობ როგორმე ბოლოს,
ამ ჩემი სულის ღრმა აპათიას.
მინდა ჩემს თავსაც შენდობა ვთხოვო,
ოდესმე ღმერთმა თუ მაპატია.