 | ავტორი: ოთარ რურუა
ჟანრი: პოეზია
16 სექტემბერი, 2024 |
ისე მიდიან დღეები,
უკან არ იხედებიან!
ჩემშიც ცოცხლობენ გმირები,
არც არასოდეს კვდებიან!
მივყვები იმათ ნაკვალევს
სანამ მუხლებში ძალა მაქვს,
,,ცა ქუდად არ მიმაჩნია
და დედამიწა ქალამნად“.
როს ტაო-კლარჯეთს ვეწვევი,
დავკოცნი მიწას აშოტის...
უფლის მადლით და შეწევნით
წადილს ავიხდენ ბავშვობის.
მწამს: ყველა ტერიტორია
სამშობლოს დაუბრუნდება,
ამ მიწისადმი ეს გრძნობა
არასდროს არ გახუნდება.
მსურს მოვილოცო იშხანი,
ოშკი, ხახული, შატბერდი,
მისხალს შევმატო მისხალი,
თორემ მეც ლამის დავბერდი.
ისე მიდიან დღეები,
უკან არ იხედებიან!
ჩემშიც ცოცხლობენ გმირები,
არც არასოდეს კვდებიან!
ოთარ რურუა
2024
| კომენტარები |
ილუსტრაციები |
რეცენზიები |
|
| მონაცემები არ არის |
|
| მონაცემები არ არის |
|
|
