შეხედე ან
ეს ჩემი სოფელია
ორღობე რომელიც გავიარეთ
აგერ მურია წევს ,ფეხს ილოკავს
იშუშებს გუშინდელ ნაიარევს.
აი,ყვავილებიც გიღიმიან
თვალების დახრით გიყურებენ.
უკვე საღამოა ეძინებათ
ჩიტებიც ნელ-ნელა იბუდებენ.
ან გახსოვს? ტყემლების ყვავილობა
თეთრი კაბები რომ დაიბედეს.
ჩემი ლექსებიც აქ დაიბადნენ
უბრალოდ ქალაქში დაიხვეწნენ.
ახლა კი ნახირიც ჩამოივლის
მოდი აქ მაგრად ჩამეხუტე.
რისი გეშინია შე სულელო
წავლენ დატოვებენ ნაფეხურებს.
შეხედე, სუნით ჩვენს გაბრუებას
ეს იასამანი აპირებდა.
იმდენი გელოდა დროზე ადრე
დასკდა კვირტებად და ყვავილებად.
უბრალო ლამაზი სოფელია
და პეიზაჟებიც მეორდება.
ბებო კი ხაჭაპურს ეპირება
თვალი გზაზე აქვს და ..გელოდება.