( ის ჩემი მეგობარი იყო და 25 წლის ასაკში მოულოდნელად გარდაიცვალა. დარჩა ორი პაწაწინა შვილი.)


მე სიცოცხლის სიყვარული მომკლავს.
კიდევ მომკლავს ალბათ ჩუმი სევდა.
გაზაფხულის იისფერი თოვლი
ვით იფრქვევა ჩემს საფლავზე, ვხედავ.

ვხედავ, როგორ მოდის ჩემთან დედა,
როგორ მტირის უსასოო ცრემლით,
როგორ მინთებს სასთუმალთან სანთელს
უნაზესად, თოვლისფერი ხელით.

გაზაფხულის სურნელება მომკლავს,
მომკლავს ალბათ სიყვარულის განცდაც...
მერე უკვე დაეშვება მძიმედ
ყორანივით უშავესი ფარდა.

                                    19.06. 2001წ