აქამდე მიყვარდი და ახლა მძულხარ,
თავს იჩენს ფიქრები სლიკინა ტვინში
აქამდე მიყვარდი და ახლა სად ხარ
ჩურჩულებს ნაპირი და ტალღებს იშლის.

ცეკვავენ არაბულ ცეკვებს ეს ქალები
სხეულით იმონებენ სიცოცხლის ქოფაკს,
აქამდე მიყვარდი და ახლა გაქრი
ტყუილად მივტირი დაკუჭულ გრძნობას...

დაცვარულ ფოთლებზე ცრემლები სხდებიან
სექსით კავდება მათ ქვემოთ წყვილი,
აქამდე მიყვარდი და ახლა სად ხარ
გამხდარხარ კუშტი და მშვიდი...

ტერენტის გაზაფხულს იისფრად დათოვებს
ობლად მოარული სული
მთაწმინდის მთვარიდან გზაზე გადმოხტება
ამბავი ობოლი ნუკრის.

აქამდე მიყვარდი, დრომ გრძნობა წაიღო
მეც გავხდი უაზროდ მუქი,
აქამდე მიყვარდი და ახლა გშორდები,
აღარ მომყვება სული...