ღმერთო გევედრები ჩემი შეისმინე,
მომეც მოთმინება,ძალა და სიმშვიდე...
ცხოვრების ბილიკზე გარბენა დავაპირე
ეშმაკთან საბრძოლველად მახვილიც ვიშიშვლე...
        აღელვებული სული გაჰკივის,
        გონებას მიხშობს ლაჩრული აზრი,
        მომეც სიმტკიცე ძლიერ არწივის,
        და ბრძოლისათვის ულაყი მარდი...
თუ ეს ცხოვრება გვტანჯავს,გვაწამებს,
მისითვე ვტკბებით ვითარცა თაფლით...
ამ ქვეყანაზე ჩემი სიმდიდრე
შენი რწმენაა კლდესაც რომ დაშლის...
        ამ რწმენით სავსე ვეტრფი სიცოცხლეს,
        შევეჭიდები მღვრიე მორევსაც...
        გვედრებ უფალო სულის სისწორეს
        და იმედებით სავსე ცხოვრებას...