ვ ე რ ს ი ა  # 1  წ ე რ ი ლ ი  შ ო რ ე თ ი დ ა ნ

მან მომწერა წერილი,
პატარა ოთახიდან სენის მახლობლად.
ის ამბობდა, რომ დადის ცეკვაზე.
დგება დილის ხუთზე და
წერს ლექსებს
ან ხატავს.
და თუკი უნდება ტირილი,
ამისთვის სპეციალური სკამი აქვს,-
მდინარესთან.

მისი სიმღერების წიგნი
შემოდგომაზე გამოვა.

არ ვიცოდი რა მეპასუხა
და ვუთხარი, რომ
მტკივანი კბილები ამოეღო
და ფრანგ საყვარელთანაც მეტი
სიფრთხილე გამოეჩინა.

მე მივაყუდე მისი ფოტო რადიომიმღებს,
ვენტილატორის გვერდით,
ის მოძრაობდა, როგორც
ცოცხალი.
მე ვუყურებდი,
ვაკვირდებოდი მას, ვიდრე
არ მოვწიე დარჩენილი 5 თუ 6 ღერიც.
შემდეგ ავდექი და
დასაძინებლად წავედი.


  ვ ე რ ს ი ა  # 2  წ ე რ ი ლ ი  შ ო რ ე თ ი დ ა ნ

სენის მახლობლად, პატარა ოთახიდან,
ის მიგზავნიდა წერილს,
მწერდა:
"დავდივარ ცეკვის წრეზე.
ვდგები დილის ხუთზე და ვწერ ლექსებს
ან ვხატავ,
და თუკი მინდება ტირილი,
ამისთვის განსაკუთრებული სკამი მაქვს,-
მდინარესთან.
ჩემი სიმღერების კრებული,
შემოდგომაზე გამოვა".

არ ვიცოდი რა მეპასუხა და
ვუთხარი:
"ამოიღე მტკივანი კბილები
და ფრანგ საყვარელთანაც მეტი
სიფრთხილე გმართებს".
შემდეგ მივაყუდე მისი ფოტო
ვენტილატორის გვერდით, რადიომიმღებს,-
ვუყურებდი,
ვაკვირდებოდი მას, ვიდრე
არ მოვწიე დარჩენილი 5 თუ 6 ღერიც,-
ის მოძრაობდა, როგორც ცოცხალი.

შემდეგ, ავდექი
და საწოლს მივაშურე.


Letter from too far

she wrote me a letter from a small
room near the Seine.
she said she was going to dancing
class, she got up, she said
at 5 o'clock in the morning
and typed at poems
or painted
and when she felt like crying
she had a special bench
by the river.
her book of Songs would be out in the Fall.
I did not know what to tell her
but
I told her
to get any bad teeth pulled
and be careful of the French
lover.
I put her photo by the radio
near the fan
and it moved
like something
alive.
I sat and watched it until I had smoked the 5 or 6 cigarettes left.
then 1 got up and went to bed.

  Charles Bukowski