სვანეთი: ლამაზი, უდრეკი, ხნიერი.
მეგობრის სახლი. დაბა ჭველიერი.
ხატი, ტაძარი, სანთელი, გალობა,
ლოცვა მუხლჩახრილი და უფლის წყალობა.
ტრაპეზი, ლხინი, სიმღერა, მამაო.
გამჭოლი მზერა. მცდელობა ამაო.
მცდელობა საუბრის, გაცნობის მცდელობა,
ორიოდ სიტყვა და ისევ სერობა.
ყელი-ამბორთმძივის შესაბმელი,
თვალები-მზესავით მბრწყინავი,
ღაწვი სიხარულით აცეცხლილი,
მკერდი მაცდურად მზირალი.
მორცხვად დაშვებული, ყორნისფერი,
კოჭებს დაყრდნობილი წამწამები.
ბაგე-ჟოლოსფერი, გაბუტული,
სიმღერით დაღლილი, ნაწვალები.
წვიმა. ისევ ის მბრწყინავი თვალები.
შეხვედრის იმედით აღსავსე წამები.
თბილისი. ლოდინი, ფიქრი, ყოყმანი
და გრძნობა მიწიერ სამოთხის მომტანი.