უნდა მტკიოდე ძვლებამდე,
ისე მიყვარხარ, რა ვქნა,
უფალო, მომეც გაძლება,
თუ გამიფრინდა, გაქრა...

თუ სხვისი გახდა... წავიდა...
ცუდი სიზმარე ვნახე:
ვითომ სულ სხვა ესავიდა,
სხვა უკოცნიდა სახეს...

სხვა ეხვეოდა ბროლის ყელს,
მკერდზეც სხვას ედო ხელი...
თითქოს მიზანი მომიკლეს,
ცრემლის გამხადეს მღვრელი...

გარდაცვლილიყო იმედი,
და ტკივილები მრთავდა,
გზებზე ნარ-ეკალს მიფენდნენ,
და ცეცხლს მინთებდნენ თავთან...

გულო, ოცნება მიწდება,
რითი გიწამლო, შლეგო?
ქალია... რავი, მისწვდება
შენი კივილის ექო?!.