ჩუ! და გადაყარეთ ეგ ქვები - ფრაზები,
დაწყნარდით, დამშვიდდით, ამაოდ ნუ შვერებით!
შეხედეთ, ცას კვეთენ მზის ცხელი ხაზები,
ყვავიან ბაღებში პირთეთრი ნუშები...

არცერთი მისხალით არცერთი თქვენგანი
არა ხართ მეტი ან ნაკლები რამეთი
ერთურთზე და რაც ვთქვი, სიმართლე ეგ არის,
უფლისთვის ყოველი სრულად ჩანს რამეთუ...

მო, დაო, მომადე ეგ თავი ამ მკერდზე,
ნუ თრთიხარ, თუ ცოდვა გამძიმებს უბეში...
სინანულს ვკითხულობ უფრო შენს ბაგეზე,
როგორც სხვებს, შენც ისე გეკუთვნის ნუგეში...