ნოე(შესავალი)
------მაშინ ჯერ კიდევ შამსუდინი ერქვა.    პატარა იყო  პირველად    რომ ესიზმრა 6 წლისა  და  შემდეგი 40 ღამე  ერთიდაიგივე ესიზმრებოდა;   
------წვიმის    შემდეგ    ადიდებული  მდინარე,  როგორ ფარავდა    თანასაოფლელთა სახლებს , სავარგულებს და სახნავებს.  წყალი მატულობდა და ყოველ მომდევნო წამში უფრო და უფრო    მეტ    მიწას ფარავდა  იმ    მითიური  ცხოველივით,    დედამიწის გადაყლაპვა  რომ სურდა.    თვითონ  მთაზე იდგა  და ზემოდან  უყურებდა ,  წყალი ნელნელა  როგორ უახლოვდებოდა მწვერვალსაც  და ის იყო      ისიც    უნდა    შთაენთქა  მოვარდნილ    წყალს,    რომ  ვიღაცის ძალუმი ხელი ჰაერში იტაცებდა.      ზემოდან  კი    გუგუნით მოსული ხმა ესმოდა: "შენ უნდა ააშენო"    40 ღამე  ცდილობდა გაერკვია რის აშენებას თხოვდნენ,    მაგრამ  ეღვიძებოდა.    როგორ არ ეცადა  არ გაღვიძებოდა და პასუხი გაეგო,  ვერცერთხელ ვერ შეძლო ძილის პასუხამდე მიყვანა.
-------პატარა იყო ,  მაშინ ჯერ კიდევ შამსუდინი ერქვა.  მამა რომ მოუკვდა 11 წლისა იყო, დედასთან ერთად მარტო დარჩა.  ამ სოფელში ერთი გაზაფხულის და ერთი ზაფხულის  მოსულები იყვნენ, დედ-მამის ძმები და დები აქედან    20    დღე-ღამის სავალზე    დარჩენილიყვნენ.    მარტო იყვნენ, მეზობლებიდან  ვერავისთან მოასწრო , მამამისმა დაახლოება.  სწორედ ამიტომაც იყო მამის    სუდარაში  გახვეული სხეული  მიწას    რომ მიაბარეს ,    საფლავთან    ხუთიოდ  კაცი ,  თვითონ და დედამისი    იდგა.    იმ 5 კაციდან 2 მესაფლავე იყო , დანარჩენი სამი,  შამსუდინის  მეგობრის,    იესეს მამა და მამის ძმები იყვნენ.    იესეს  დიდი ოჯახი  ,      მათ    მეზობლად    ცხოვრობდა.  უფროსებისგან განსხვავებით ბავშვებმა    გაცნობა    და დამეგობრებაც მოასწრეს.      ერთად  ხშირად თამაშობდნენ    და    რამდენჯერმე    ისეც მოხდა , რომ ღამე  იესესთან ოჯახში დარჩა და გაათია.