ღამის წყვდიადში თუ ვხედავ სიზმარს,
გადარეული გულის ჭიშკართან,
მე ის მაგონებს, სხვისთვის უხილავს
სახეს, რომელიც ძლიერ მიყვარდა.

ხედავ?! სხივები, ჭეშმარიტების
თვალუწვდენელ ბინდს როგორ ასწორებს?
სადაც სიზმარი მოჩვენებებით,
რეალობასთან მათანასწორებს.

სადაც სიზმარი, ჩემი სიზმარი,
ამ ზღვებისა და ამ ზეცის ფერად,
მე მევლინება მუდამ ცისმარი,
დაობლებული სულის საშველად.

ღამის წყვდიადში თუ ვხედავ სიზმარს,
გადარეული გულის ჭიშკართან,
მე ის მაგონებს, სხვისთვის უხილავს
სახეს, რომელიც უწინ მიყვარდა.