დროა ისეთი;

სამარეც ვეღარ ასწორებს კუზებს,

ისევ წველიან სპილენძის ხანის

დროინდელ მუზებს,

ვაგონს, ზღვას, ღრუბელს, მელანქოლიებს,

გაუჩნდა ჩრჩილი,

სევდა, გოდება და თვლა ნაბიჯის,

დროს ვეღარ უძლებს.

ალბათ მკითხველმაც მოიწყინა

რეტროს ფრაზებით,

ცალი თვალით, რომ ლექსს კითხულობს,

ცალით თვლის ბუზებს,

დღეს სხვა ბანქოა სათამაშო,

ასე მგონია,

ალბათ კრუპიეც არ გვაღირსებს,

არავის ტუზებს.

დროა ისეთი, ყველა მეორე

ბრძენთა–ბრძენია,

დროა ისეთი, სამარეც ვეღარ

ასწორებს კუზებს.      გ.პ.