რაღაცა  ძალა მაძალებს,

ვნახო კიკოსის ტაძარი,

თავს სინანული მოვგვარო,

ზედვე ვიფრქვიო ნაცარი.



დასათესია ყოვლისგან,

სიკეთის, თუმდაც მარცვალი,

რთულია, მაგრამ რას ვიზამთ,

სწორედ ესაა, რაც არი.



ძმარში ნადები ენებით,

გველებს დევნიან სოროდან,

თავიდანაა საწყობი,

რაც დაწყობილა ბოლოდან.



რაღაცა ძალა მაძალებს,

ვნახო კიკოსის ტაძარი,

სულს განვუმტკიცო დიდება,

ეშმაკს დავამხო თავზარი.  გ.პ.