გენატრებოდი? აბა. მითხარი,
ქარის ტირილში ოხვრას რად მალავ?!
ააზამბახებს რტოებს მირკანი,
ანცი მერცხალიც გზას გაიკაფავს...

ეს გაზაფხულიც მოვიდა, მთვრალი
სურნელით, სევდით, გრძნობით, ტკივილით,
არც ჩვენ დავუხვდეთ ფხიზელი , არა,
ან რას მოგვიტანს ბედთან ჩივილი?!

იცი, ამ სითბოს როგორ ველოდი?
ზამთარი სულში სევდად მესვენა,
ააზამბახებს რტოებს მირკანი,
ბუჩქში მორცხვ იას ჰკოცნის პეპელა...