ღმერთი ყოველ დღე იზრდება,
მალე მთელ ცას დაფარავს და
ისევ მან თუ უწყის,სად დაიმალებიან ადამაიენბი...
თუმცა, სად წაუვა ღმერთს კაცთა მოდგმა?!
შენ ეს იცი და მაინც სცოდავ უფრო მეტს,
ვიდრე  გუშინწინ... გუშინ...
მარტო დარჩი...
ორი დღეა მანაც მიგატოვა,
მაგრამ გრძნობ,რომ ასეთი მიტოვება საეჭვოა
და არც ღელავ...
მოგბეზრდა ყველა და ახალს ეძებ,
ეშმაკმა უწყის "ვისი სული გსურს" ახლა...
ისეც ხდება,რომ შენ და ღრუბელს ყელში გაქვთ ცრემლები,
ამინდიც დაგემთხვა...
ისეთი მოთარეშე ქარია, სულში ატანს და ღმერთს ეძებს...
სად გინდა წააწყდეს?!.
შეშლამდე თვეღა დაგრჩა...
დაცარიელდი...
ალბათ მანაც გადაგიფიქრა...