მე ვარ თვითონ სიზარმაცე აისური,
სანამ წყაროს არ შევისხამ მუჭა-მუჭა...
მზეს ვატარებ ალისფერი მაისურით
და სიყვარულს გულით გზა-გზა, ქუჩა-ქუჩა
ხეტიალში მენატრება შენი ბანი,
მხართან სითბო და პეპლები მოაპრილე,
ჟრუანტელით ატკეცილი თრთოლა ტანი,
ჟრიამული სიგიჟეთის მონაპირედ...

მე ვარ თვითონ სიზარმაცე აისური,
სანამ წყაროდ არ შეგიგრძნობ მუჭა-მუჭა...
მზედ გატარებ ალისფერი მაისურით,
გულით _ ცა-ცა, მთა და მთა და ქუჩა-ქუჩა...