ერთი,ორი,სამი,ოთხი,
მოვიმარჯვოთ სწრაფად თოფი,
შიშის ზარი დავცეთ ყველას,
მგელია თუ ტურა,მელა.

არ ვუდრკებით მშიერ მხეცებს
უშიშარი ბაჭიები,
ჩვენ ვერავინ ვერ დაგვჯაბნის,
არ გეგონოთ ბაქიები.

მელაკუდას ჩავუსაფრდით,
ვასროლინეთ კუდით ქვა,
სადაც მისი იტრაბახოს,
იქა ჩვენიც ბევრი თქვას.

დღეს რუხი მგლის ჯერი არის,
ისა-ჩვენი საკბილო,
ვაიძულებთ,რომ ჩვენსავით
აკნატუნოს სტაფილო...

უცებ,სადღაც შორი ტყიდან
მგლის მოისმა ყმუილი,
ბაჭიები სადღაც გაქრნენ
ჩვენთან დარჩა ტყუილი.