ჰამაკიშა აშამჯანუქ
ჩქიმი სკუა ბჟაში დარი,
ჟი მურიცხეფ გიგოჯინე,
ნანა სკუა ქუდმეწყნარი.

ინგირ ცხენით გეგნუნჩურუ,
მალას მოურს მუმა სკანი,
ჩეშგოთანას თაქ ივაფუ,
ქუდირულე სკუა,სკვამი.

იავნანა,დიდოვნანა,
ნანა სკუა,ჩქიმი სკვამი...

უკმელარე ელმოლუსი,
ზღვაპის ირქენს ბორია წყნარი,
ასე თუთა დუს მუნგორე,
ნანა სკუა,ქუმისვანჯი.

ოჩო ტყაშა გემშურაუ,
მალას მოურს მუმა სკანი,
სი მუთუნშა ვაგაშკურნას,
ჩქიმი ცირა ბჟაში დარი.

იავნანა,დიდოვნანა,
ნანა საკუა,ჩქიმი სკვამი...

ოდოს ჩელა მედინაფუ,
დამორჩილრე ქიანასი,
მალას გინძე სერ ივაფუ
დო დღა მორჩილ,დიდა სკვამი.



                          დიკა სალაყაია