შიშველი მეფე
მეფისტოფელის დადის ნაბიჯით
და მთვარეს ეძებს ყალბი ყმუილით,
განახევრებულს...
ფიქრებსაც წვერი ამოუვიდათ
ჭაღარა დროში.
გროში ღირს როშვა
ნარევი ძილთან.
სიზმარი მგონი გადამიცილდა
ჩარჩოებს მაშინ,
როცა ხან ვშლიდი, ხან ვაწყობდი  ცრუ პერსონაჟებს...
გაგიხსნით მაჯებს თუ გეყოფათ,
სიცოცხლისათვის გაჩუქებთ ჟანგბადს,
რომელიც მე უნდა მესუნთა.
უნაყოფოა მაინც პულსი
და რას მიქვია ერთი შესუნთქვა
გაცემული თუ გაუცემელი...
აუცილებლად დამიდგით ძეგლი
ჩემივე ნამსხვრევებისგან,
რომ მერე ვწოვო მარადისობა თუნდაც ცოტა ხნით.
მიდით დათანხმდით.
მე ბანკირი ვარ და სიცოცხლეს ვიძლევი სესხად

აღარაა საჭირო შეცვლა.

მეფის ტოლ ფერი მეფისტოფელი
შიშველ მეფეში გარდაიცვალა.