"წუხელის ბიჭი დაბადებულა,
დაურქმევიათ იმისთვის - ცოტნე,
შენ - ორგულობავ, აბა გაბედე
და გული ჩვენი ისევა კორტნე."
ორგულობასაც გაუბედია     
სამშობლო ჩვენი უფსკრულსა მიდის,
ისევ არსებობს ის ძმა, რომელიც
თავის ძმას ვერცხლის ფულზედა ჰყიდის.

ჩვენ აღარ ძალგვიძს ვეომოთ მტერსა,
რადგან ის მტერი ჩვენ შევიყვარეთ.
მირჩევნის გული გამტაცოს ტყვიამ,
ვიდრე ცოდვებმა ჯოჯოხეთისამ.

კეთილს ვერ ვხედავთ, ბოროტსა ვაქებთ,
ცოდვას ვამართლებთ საუკუნითა.
მე ასე ვიტყვი - ფურთხის კი არა,
წარღვნის ღირსი ხარ, შენ - ქართველობავ.