ობსტრუქცია დესტრუქციულ გონებაში,
სამი ღერი სიგარეტი, ექვსი არხი,
ტელევიზორს არ ვუყურებ,
მაგრამ მაინც,
იყოს, იქნებ გამომადგეს,
ან რა ვიცი?
სუნთქვა თითქოს აღარ არის მოდაში და,
ფილტვებს თავსაც დავანებებ,
საბუხრეში,
მე დავრჩები სანამ შენთან აღარ მინდა,
იქნებ მერე ყველაფერი გითხრა რატომ.

ჟურნალების ხროვა თავზე დავიყარე,
გაღვიძება მოვასწარი?
მგონი არა.
მეზარება,
ჰერმან ჰესე იბღვირება,
ჩემს ოთახში ამას მაინც,
რაღა უნდა?
სიგარეტი მომიტანე როცა მოხვალ,
შენთან ყოფნას ექვსი არხი მირჩევნია