ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

შევიძულებდი ადამიანს პირფერობისთვის
მაგრამ ცოდვას ხომ ისევ ცოდვით შევიფარებდი
შევიყვარებდი ყველა ცდომილს ხელოვნებისთვის
ბოროტებას კი ცრემლის გემოს შევაყვარებდი.
შევცვლიდი ამაგს,
გრძნობას ჩემში გაუმყარებელს,
ცვალებადობას უმიზეზო სენად მივიჩნევ
გაუმაძღარი მშიერების ლუკმით გავძღები
ფერს შევუცვლიდი, შევღებავდი წითლად გვირილებს.
ჩამოვჯდებოდი შესართავთან ცოდნის და ცოდვის
და სინანულის შენაკადებს ტალღებად ვაქცევ,
ვინ იცის ქნებ ამით ვიგრძნო უბრალოდ შვება
იქნებ და ამით მოვიშორო აზრი რომ დამსდევს.
დამლევს, დამაქცევს, მჭამს და მაინც ბედნიერი ვარ
მძიმეა ჯვარი ქანც გაცლილი კვლავ ვეზიდები
ალბათ მივაღწევ სადაც ჩემი არსი წამება
სადაც სამოთხის აღმართულა პირამიდები.

კიდევ დაიტევს შეცდომების ჯართა შეტევას
ჩემი სული ხომ უკვდავების სისხლმა მონათლა
არ გაგიკვირდეს თუ მაისის ვარდების ნაცვლად
მე შეღებილი გვირილების კონა მოგართვა...

ბექა გოგატიშვილი 12,05,2013