რაღაც იქნება გულს ნუ გაიტეხთ
აბა სულ ასე ხომ არ ვიქნებით.
ეს დედამიწა ყველას დაგვიტევს
ერთი სართულით დაბლა ბინებით.

რაღაც იქნება. ხომ გავიხარებთ,
ჩვენც ხომ გვეკუთვნის კარგი ცხოვრება
სანამ ჭიები ძვლებს გაგვიხრავენ
ჩვენც ბევრი ძვალი დაგვიხროვდება.

ჩვენც გავსწორდებით მალე ბეჭებში
როგორც კუბოში მიცვალებული,
გადაძარცვული ხელზე ბეჭდებით
საუკუნეებს ჩაყოლებული.