გუშინ ახალ სახლში გადავედი,
ერთფანჯრიანში.
მინდა  რაღაცას მიგახვედრო...
არა, საფლავში არ წავიღებ.  ერთხელაც გეტყვი და მერე...
მერე იყოს ყველაფერი ისევ ისე.
სადღაც
ბებოს ზღაპარივით თბილად
ტკაცუნობს შეშა.
გარედან
შემწვარი ხორცის სუნი შემოდის,
ოთახში  სიგარეტის სუნია და ნოემბრის ნაცრისფერ ტოტზე შავი ჩიტი ზის.
მზისფერი ნისკარტი აქვს, მემდურის ალბათ
მისთვის პურის ნამცეციც არ მაქვს. მაინც მიხარია,
ამ დაბანგულ დღეს
ამ მშიერ გულზე გისურვებ
იყავი კარგად!..