დაგიძალე და დაგეძალე,
ხარბად გეწაფე,
თითები გავდნენ სტალაქტიტებს,
სადღაც ელავდი,
ჩვენ დავდიოდით და ქალაქის
ვიწრო ქუჩები,
ერთი - მეორეს...
ყირამალა გადადიოდნენ.

სერავდნენ ტუჩებს
მომეტებულ ემოციებით,
ფარვანები და მთაწმინდიდან ჩამოსროლილი,
ნისლის გუნდები გვეხვეოდა
თითქოს მე და შენ,
ქუჩებს ვსერავდით...

დაგიძალე და დაგეძალე,
მგონი დაგხარბდი...
თითები გავდნენ სტალაქტიტებს
შენკენ მოშვერილს...