არა ყვარყვარეს!
                            მოკითხვა მუზას და დიდება მაღალ ღმერთს,
                          ჭუჭყიან სტრიქონში მოვქექოთ ,,ნათელი,”
                          მივდგეთ და გზა მივცეთ მედროვე ყვარყვარეს
                          და მან თქვას ,,ხატოვნად” ჩვენს ნაცვლად სათქმელი.
                          მასებზე გათვლილი, ჩამოვქნათ ლექსები,
                          ცვედანი სტროფები რითმებზე დავწიდნოთ,
                          დროებამ გვიძახოს: ,,მწერლებო, მე თქვენი! ...
                          არ მინდა სურვილი ლანგარზე დამიწყოთ.”
                          ზვირთებზე ფარფატებს ალვის ხის ნაფოტი,
                          ბობოქარ ქარიზმას ჟამთასვლა წალეკავს,
                          სად არის ,,დიდება” ყველასთვის საყოფი,
                          წილისყრით კი არა, თვითონ ვქმნით არჩევანს.
                          დროშია ღალატის პრობლემა მხოლოდღა,
                          დროშია მერწმუნეთ პრობლემა - ყვარყვარეც,
                          ნუ განსჯით, მიიღეთ, მიიღეთ ,,მოლოცვა,”
                          ნეტარი ცრემლებიც გულწრფელად დაღვარეთ ...
                          მოკითხვა მუზას და დიდება მაღალ ღმერთს,
                          ჭუჭყიან სტროფებში ვერ ვპოვე ,,ნათელი,”
                          ,,ოლიმპოს” მწვერვალზე რა უნდა ყვარყვარეს,
                          ჩემი და შენია, ეს სიტყვა სათქმელი.