იმ ქალს უყვარხარ ვგრძნობ და
იმ ქალს ზედმეტი მოსდის.
ღამენათევი ბოდვა...
ხიდად ქცეული მორი.

შენც თუ იმავეს გრძნობ და
ხედავ სინათლეს მასში..
ფიქრი რად უნდა დროს და...
დაუფიქრებლად წადი..

წადი უკუნით ქალთან..
თუნდაც თამაში იყოს...
გთხოვ არ იგლოვო ცასთან..
მე,რომ მერე არ ვიყო..

და მაპატიებ თოვას....
ამდენ სიცივის ლოდინს..
იმ ქალს უყვარხარ ვგრძნობ და
იმ ქალს ზედმეტი მოსდის.

და მე არ ვიყო თუნდაც...
ანცი წვიმა ან ნისლი...
მას შენთან ყოფნა უნდა...
ამას ჩემ გამო იშლის.

და თუ გრძნობები არა..
არც თამაშია უკვე..
ზედმეტი არის ტანჯვა..
მე კვლავ არაფერს ვუმზერ...

იმ ქალს უყვარხარ ვგრძნობ და
იმ ქალს ზედმეტი მოსდის.
და თუ მასთან გსურს ყოფნა
წადი,იყავით ორნი.

მე ვარ ნოემბრის წვიმა..
მე ვარ ოქტომბრის სუსხი..
მე ვარ სულ ერთი ვიღაც..
და მე არაფერს ვუცდი.