უფალს ამქვეყნად ოთხი ასო სიტყვად უქმნია
და ამ სიტყვაში ჩააქსოვა დიადი ნება,
ყოველ პატარის საფიცარი, სითბოს დამტევი,
მარად მზრუნველი სიტყვა იგი - ეს არის დედა!

დედი, შენა ხარ ბნელ გვირაბის შუქი ნათელი,
ტკბილი სევდა ხარ ამქვეყნიურ გარდასულ დღეთა,
ფიქრადქცეული ოცნება ხარ, მრავლის მნახველი,
ანცი ღიმილი, მონატრება შეფოთლილ ხეთა.

ჩემი ოცნების დიდო აზრო, რწმენავ, იმედო,
ჩემო ლამაზო და კეთილო, ცელქო ფერიავ,
რაც კი ამქვეყნად სიკეთეა ირგვლივ ყოველი,
სულყველა შენთვის ათასმაგად მისურვებია.

31.12.2009