ვხედავთ  ასე  არის,რთულია დღეები,
ბევრი  წუთებით და  მძიმე  საათებით.
უძირო  ფიქრები,უძილო  ღამეებით.
გვგონია  დავიწყეთ, თურმე  ვამთავრებდით.

ახლა  მარტოობის  სევდა მომერია,
ისევ  უშენობას  ვებრძვი გამეტებით,
შენი  მონატრების    დიდი მორევია
სადაც  ვეღარ  ვძლებ  და  ვეღარ  დავეტევით.

პულსი  გავუსინჯე  ყველა  დავიწყებას,
ყველა  დაპირება  ტყუილს მიამატეს,
მერე  მოგონებებს  გულზე დავიწერ  და
გულიც  ისეთი  მაქვს, რომ  არ  მიღალატებს.
რომ  გაახსენდება  ყველა ტკივილი და 
ძველი  სურვილები  რომ  არ  ავიწყდება.
ყველა  მონატრება,ყველა  საზომიდან
შენით  მთავრდება  და  შენით  დაიწყება.

იყო  გამარჯობა,
იქვე  -გაგიმარჯოს.
ბევრი  საუბარი  კარგზეც და  მთავარზეც.
დღეები მირბიან
დრო  რომ  დაიხარჯოს
გვეგონა  ვიწყებდით,
თურმე  დავამთავრეთ...