ტკივილმა დასერა გული,
ღრუბლები შეჰყარა ზეცამ,
მის სიკვდილს სამშობლო ტირის,
ამოსვლის სცხვენია მზესაც.

გმირები არა გვყავს ბევრი,
მოღალატეები სჭარბობს,
ამ კაცმა თავისი წასვლით,
მაგალითი მოგვცა ხალხო.

ანდერძად დატოვა სითბო,
ღმერთამდე ასული ტრფობა,
მინდა რომ სიზმარი იყოს,
მისი გამგზავრების ცნობა.

კაცებო ავწიოთ თასი,
ცოცხლად გამარჯვება შევსვათ,
უფალმა დაისვა მარჯვნივ,
და თბილად საუბრობს ღმერთთან.