არავინ მყავს და
ისევ შენზე ვწერ.

თამაზს აქვს დაწერილი:

"მიდიხარ ჩუმად, როგორც ქალისკენ,
რომელიც უკვე
აღარ გიყვარს და მის გარეშე
სიცოცხლე მაინც არ შეგიძლია"

თამაზი ჩემი სულის თვითმხილველია!

როგორც მძიმე დანაშაულის,
რომელიც ჩავიდინე
და სისხლიანი დანის მსგავსად,
შემრჩა თვალები.

ხოლო,
რამდენჯერაც ქიმიური
შენაერთებისგან
მიღებული საშუალებით გავიქეცი
ყველაფრისგან,
იმდენჯერ დავბრუნდი და
ჩავიკეტე საკუთარ ტყავში

  ...

არაფერი ვარ
ჩემი მარტოობის გარეშე.

მარტო შენი თითებია
ჩემი ანტიდეპრესანტები.

მე მარტო უშენობის
ზედოზირებით მოვკვდები.

რაცარუნდაიყოს...

  ...

მე და შენ იწერება ერთად.