ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: თეთრი ჯადოქარი
ჟანრი: პოეზია
17 იანვარი, 2015


********

ბანალური სიტყვები,
გაცვეთილი ფრაზები,
ჭკუის დამრიგებელი
ხალხური ანდაზები.
დაჩხვლეტილი ღრუბლებით
ნაწვიმარი ქუჩები,
მძვინვარე ქარისაგან
ჩალეწილი შუშები.
უხალისო ღიმილი
დაბერებულ ტუჩებზე,
მიჩქმალული ბავშვობა
უკაცრიელ ქუჩებზე.
გახდა აუტანელი
მოგონილი სიმართლე,
ჭეშმარიტი ტყუილით
თავიც რომ გაიმართლე.


გაცვეთილი ფრაზებით,
ბანალური სიტყვებით,
უსიცოცხლო ცხოვრებას
უხალისოდ მივყვებით.

კომენტარები ილუსტრაციები რეცენზიები