არანაირადი
არცსოლომონადი
არცნარგიზადი
არდალიონოდი
არცაზიზაზადე
კიცარციზედდადე
ნარცის ყვავილადი
თაფლი უწილადე
ჯაჭვი ქოთანს დადე
ერთხანს შეიცადე
თან ხარ მოურავი
ეზოს ძაღლი ავი
ჭიან შავქლიავი
ტყვიავის კვლიავი
მიხაკი საშკვლავი
მიხაკ და რიჩინი
რას ჩამაფიჩინი
წინმკლავი, განმკლავი
წილყვავის საკრავი
წილკანში ნაკრავი
ძუ მგელი და კრავი
გაშლილი კარავი
ცურვა თუ ბანავი?
იხომა თუ ქანავი?
ცივ-ცივი მანავი
არ იცის არავინ,
რომ შენ ხარ ის მტრედი, რომელსაც ვიჭერდი
რომ მე ის ბუდე ვარ, რომლშიც გიჭერდი
შენ ამ დროს ქორბუდობ, არ მაცლი ოცნებას
და ეკალბარდებში ქაცვივით გავები
მე ვარდებს ველოდი შენ ძაღლნი მისიე,
განა პუდელები? ქოფაკი, ავები!
არ მსურს ქარაგმები, თვით მზეს მოგიქარგავ
სახლსაც გიქირავებ, ფხანსაც აგიმარგლავ
ტოტებს დაგიბერტყავ თუთის, მსხმოიარეს
ოჰ, ნეტავ გაბრწყინდე ჩემო ფრთაგიზგიზავ!
ფეხზე დაგიდგები თუნდაც მწოლიარე!
განდა ამას გიზამ, გინდა იმას გიზამ!
რასაც მოისურვებ, უმალ მოგიზიდავ
ქურთებს შევკრიბავ, ავეჯს გადავზიდავ
მადლობას შევწირავ მშრომელ ასურელებს
შენი მკრთალ, ბრტყელ სახე დღემდე მასულელებს
როგორ მეგონა, რომ უკვე დავჭკვიანდი
ფიქრთა მდუღარებამ ტვინი გააცია
ვხვდები ვეღარ ვებრძვი წამწამთ სიმძიმეებს,
სამის ნახევარი... ძილის საათია...

შაქრო ლისიცკი
ტვერი 2015