მომაგონდები, სანამ მარად დავხუჭავ თვალებს,
გამახსენდება, მაგ ტუჩების ნაზი ღიმილი,
სიკვდილმისჯილის ბოლო სიტყვას გამოვიყენებ,
შენს სახელს ვიტყვი და გაქრება ჩემი ტკივილი.

მომაგონდები, სანამ სიკვდილს დავუთმობ თვალებს,
გაყინულ მზესთან, საუბარში სნეული ვკვდები,
სანამ სიკვდილის ანგელოზი დამითვლის წამებს,
მე წარსულიდან დარჩენილი ფიქრებით ვთბები.

სანამ ჯერ კიდევ დამრჩა ძალა ვხარჯო ჰაერი,
მომაგონდები ვიდრე შეწყვეტს თვალები სუნთქვას,
როცა ჩამოკრავს უხილავი ტაძრიდან ზარი
და მესაფლავე მხოლოდ ჩემთვის ცივ მიწას ურტყავს.

მომაგონდები, სანამ მარად დავხუჭავ თვალებს,
გამახსენდება, მაგ ტუჩების ნაზი ღიმილი,
სიკვდილმისჯილის ბოლო სიტყვას გამოვიყენებ,
შენს სახელს ვიტყვი და გაყვება ჩემს სულს ტკივილი.