მომატყუეს-ბევრს თუ შეჭამ
გაიზრდები დიდი ბიჭი.
მაგრამ თურმე ბევრი ჭამით
გაცვდა ჩემი წინა კიჭი.

მოირყა და მოფამფალდა,
ვეღარ ვჭამე ჩიჩი,
კოჭის ძაფი  გამომაბეს ,
ამომაძრეს კიჭი.

ვაჟკაცურად ავიტანე
ტკივილი და სისხლი.
არ ვიტირებ, ვერ დამცინებს
თმაწიწიკნია  ლიზი.


მოისროლეს სახურავზე
მე ხმამაღლა ვყვირი:
"თაგვო , შენი კიჭიო
მომე, თუ ხარ ბიჭიო"


დავირცხვინე, პირი დამრჩა
ბებოსავით უკბილო,
ლიზიკომ თუ  გამაბრაზა,
ახლა  როგორ ვუკბინო?!