ერთი პოეტი ბიჭი და
ერთი პოეტი გოგო ვართ,
ხანდახან კიდეც გვიჭირს და
ცხოვრებას კბილით ვიჭერთ,
ჩვენი საერთო ფიქრით და
ოცნების მთელი გოდორით,
ვიძინებთ ყოველ ღამე და
ვიღვიძებთ ყოველ დილით.
ამაზე დიდი განძი და
ამაზე დიდი სიკეთე,
მითხარი როგორ ვთხოვო და
როგორ შევკადრო გამჩენს,
ზღაპრებსაც ერთი ბოლო აქვს
და მეც მეზღაპრის იმედზე,
მკერდზე დაგადე თავი და
დილამდე წამებს ვითვლი.