მეწამული ლაბადა -
აწყვეტილი ღილებით.
ჩემში გაინავარდა მერცხლისფერმა ოცნებამ.
სიყვარული ნამდვილი -
არა სადა დავარდა,
თორემ სახეცვლილებით
ახლა ვინღა ოცდება.

მელნისფერი წვეთები
დაწყვეტილი ნერვებით.
ჰარმონიულ ბგერების თანხმოვანი შეწყობა.
ჩუმი სულისკვეთება - ასმაგი გაბევრებით,
ყოველ ახალ ქმნილებას
დამღასავით ეტყობა.

სიყვარული ნამდვილი,
რთული და თან ადვილი,
სული გამოჯანმრთელდა, სხეული დაავადდა.
ყველა კერპი დავარდა,
ყველა ძველი ადგილი,
სიყვარული ნამდვილი - არა სადა დავარდა!..