როგორ ხარ ?
გპასუხობ თითქოს და მშვენიერად !
თანმხვედრი ემოცია დროშია გაწერილი,
უშენოდ გამოსული
სიზმრების პრემიერა
საღამოს ვერ დაწყებულ ძილშია
დაგეგმილი.
___________________________________________

მე ვხედავ ნახატს
ის იღვრება ფერები გასდის,
გემშვიდობები
ამ ტილოზე ვერასდროს ვნახავ,
ცისფერ თვალებში ტუსაღივით დამწყვდეულ
აჩრდილს
და მკერდთან ახლოს დედისაგან დაშანთულ სამ ხალს..
___________________________________________

საარჩევნო დახლებთან კანდიდატმა
პირებმა,
იწყეს შეკრება და მიწევს
დებატები,
"წინა სასიცოცხლო"
ჩემი დაპირება
შემდეგ ნაირად ჟღერს იქაც მეყვარები !
___________________________________________

რამდენი ამდაგვარი სცენარით დაიმძიმებს
საქმეს რომ ცხოვრებასაც
რაღაც დრო დაუტოვოს,
შარვალი გალეშილი მოვა და
დაიძინებს,
კაბას კი ევალება დადგეს და
აუთოვოს !
___________________________________________

აუდიტორია
სიჩუმით გაცვდა,
ვიღაცა ლექსით გამოდის
ფარდა
იხსნება ხალხი იცინის
სადაც,
იცინის ყველა ავტორის გარდა !
___________________________________________

- ალო
- კავშირზეა უშენობა !
- საიდან რეკავთ ?
- ჩვენი საწოლის ნაპირზე ვწევარ !
- დიახ მახსოვხართ მაინც რა გნებავთ ?
- აქ უშენობა ცოტათი წყდება !
___________________________________________

ცუდი
ცხოვრებიდან ბევრი
მომივიდა ,
თუმცა მცირედითაც ვრჩები
მადლიერად ,
ორ ადგილიანი
ლოგინი და
ერთ საწოლიანი
ადიელა !
___________________________________________

ხიდი , მოაჯირი
ერთი ჩიჩახვი !
მტირალა ღრუბელი
ღამე ნარინჯი ,
ცხოვრების დინება "უტივო" ნიჩაბი
გუშინ გაფრენამდე დამაკლდა ნაბიჯი !