დაუშვით ფარდები გავდივარ სცენიდან,
საღათას ძილი და სიზმრები მინდება,
მთვარემ მიატოვა, ცა ვარსკვლავთცვენიდან,
მეც წავალ, გამიშვით, არავინ მჭირდება.

მთლიან დედამიწას დაგითმობთ,იხმარეთ,
მუსიკებს?წაიღეთ, ხან ჩქარი,ხან ნელი,
თუ ვერ მოერევით,იპოვეთ დამხმარე,
ყვავილებს გაგატანთ იაფი სურნელით.

იჩქარეთ,არავინ შეგასწროთ პირველში,
ომობთ? და იომეთ.ბოლოს სულ თანხმდებით,
იარეთ,თქვენსავე ტკბილსა და ნაღველში,
მე კი მომავალში, ღიმილით, დაგხვდებით.