სევდამ უჩემობა რომ ვერ შეამჩნიოს
უკანა კარიდან ჩუმად ვიპარები,
დღეში შვიდი ჭიქა ალკოჰოლი !
ხელში ოთხჯერ ოთხი ღერი სიგარეტი,
მიყვარს ცვალებადი სეზონები
არაპროგნოზირებადი ამინდები,
ღმერთო ეხლა მინდა დაბრუნდეს რომ
ამჯერად მე ვუთხრა არ მჭირდები,
მაგრამ არ მოხდება არასოდეს
ამით ვერ დავანგრევ იდილიას,
დღეთა რუტინული მიმოქცევის
სადაც მასპინძელი სიკვდილია,
ხოდა ქუჩა-ქუჩა ასე წოწიალით !
ჩემს თავს გავიტან და ესეც რეფლექსია,
როგორც არასოდეს ისე ცარიელი
ვარ და ანუ როგორც ყველა ეკლესია,
დღეში შვიდი ჭიქა ალკოჰოლი
ხელში ოთხჯერ ოთხი ღერი სიგარეტი,
სევდამ უჩემობა რომ ვერ შეამჩნიოს
უკანა კარიდან ჩუმად ვიპარები ! ...