გულის სიღრმიდან მიღიმის სევდა
გამოღვიძებულ წარსულთან ერთად,
გაორებული დამჩემდა გრძნობა
სულმა ბეჩავმა კვლავ მოინდომა.

ჰყავდე მეგობრად აწ და მარადის...
მთვარე უდროოდ არა არ ჩადის,
მზე ჰორიზონტზე ლაჯვარდს რად ტოვებს
თუ არ დარდობს, რომ წყდება მთა-გორებს?

თუმც ფოთოლცვენა დანებდა ზამთარს,
ბოლო იმედიც სიცივით დათვრა,
მაგრამ თუ მეტყვი: წასვლას ართულებ
მე ფოთოლცვენას გავაზაფხულებ.