***
ქვიშხეთის ემბაზი -
აღდგომის ტაძარი,
სულს რაც ეფერება,
სულისთვის რაც არის.
ქვიშხეთის აღდგომა -
ტაძარი ნაქარგი,
ვედრებით გამთბარი,
რა კარგი, რა კარგი!
აქ ფრესკა ხმიანობს,
აქ ლოცვა ცას სწვდება,
ამხელა სიყვარულს
ღმერთი თუ გასწვდება.
მინდა აქ დაჩოქილს
უფალი მწყალობდეს,
ანგელოზების გუნდი
კი გალობდეს.
ქვიშხეთის ტაძარო,
კოპწიავ, ლამაზო,
ჩემს გულს და სიყვარულს
ამ ლექსით გთავაზობ!