* * *
ჩვენს აქ მოსვლამდე ბევრმა წყალმა ხომ ჩაიარა,
მბრუნავ ჩარხისგან ბევრს მიეგო, ალბათ, იარა,
მიწაზე ფრთხილად გაიარე, ეს ლამაზმანის
თვალის გუგაა, მთლად უბრალო მიწა კი არა.

* * *

ვინც კი მოვიდა, ქუდს დღემუდამ ჭერში ისროდა,
აბა, ქეიფი, ალერსი და სმა და მისნობა,
ერთ დღესაც ჯამი დაცალეს და დადუმდა ყველა,
იმ ძილს მიეცნენ, რასაც ჰქვია მარადისობა.

* * *

ასე ამბობენ, სამოთხე და მისი ჰურია
სჯობსო ყველაფერს, მე კი მაინც ღვინო მწყურია,
ნაღდი აიღე და ნისიას შეეშვი, ძმაო,
ბუკის ჟღარუნი შორიდანაც საამურია.

სპარსულიდან თარგმნა
გიორგი ხულორდავამ