ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

მე შორს ვარ შორს ვარ
რაც არ უნდა ახლოს მოხვიდე
მე ვერ ვიპოვე საერთონ ჩვენს შორის
და ყველაფერში მხოლოდ განსხვავებებს ვხედავ
რაც შენ საერთო გეგონა ჩვენი.

კილომეტრებით იყოფიან ჩვენი სიტყვები
და სულ ტყუილად დაიწყებ ძებნას
სიტყვებს შორის სიცარიელის
ვერც ამოავსებ.

თავს როგორ ირთობ?
როგორ იმშვიდებ?
როგორ ახერხებ ღამით მშვიდ ძილს?
რა არის შენი ყოფის გაძლება.
მითხარი რომ ამოგიკითხო.

კიდევ გაფხიკე
რა არის იქით,
აბა იარე
იპოვნე რამე?

გამიზიარე.

აი ღამით ძილის წინ
რომ ფიქრობენ ხოლმე ადამიანები
ჩემი ყოველი წამი
ეგ ფიქრებია.

ძველ ნაცნობს ქუჩაში როცა
შევხვდები
ის შემომხედავს
როგორც ყოველთვის გაკვირვებული
და ასე მეტყვის
ჰა ჰა , შენ კიდევ უფრო მეტად
გაგირეკია.

არ მწყინს ვიცინი,
და მიხარია
მოდი აკეთე რამე ისეთი
რაც არ უქნია აქამდე ვინმეს
მოდი იფიქრე რამე ისეთი
რაც არ ეფიქროს ადამიანს და
მერე იქნებ
იქნებ მივაგნოთ .

თუკი იმისთვის ილაპარაკებ
უხერხულ სიჩუმეს რომ დააღწიო თავი
სჯობს რომ პირი
სამუდამოდ ამოიკერო.

შენს თავს ხელებში ისევ მოვიქცევ
თვალებში მიყურე შე ნაბიჭვარო
ადამიანო!
ისევ ცდილობ რომ შენს თავში შენთვის
იფიქრო მარტომ,
ისევ ცდილობ რომ გაიქცე სადღაც მოგონებებში , ან მომავალში
არ რატომ არხარ?
მიყურე მეთქი !

ადამიანი ბუნებრივია როცა ტკივა და როცა იცინის
როცა ამ გაურკვეველი სამყაროს წინაშე
შიში და ძრწოლა მას არ შორდება
ზოგჯერ ყვირიხარ მერე კი მუდამ ხარხარებ ისე
სხვებს კიარა , შენვე გაშინებს.
მაგრამ აქ თურმე,
თუკი შფოთავ და
თუ ვერ იძინებ
ავადმყოფი ხარ
მიმართე ექიმს
რომ განიკურნო,
უფრო სწორად კი გახდე არსება
მექანიკური ,
უბრალოდ რომ ფუნქციონირება შეძლო.

ადამიანი თავის ბუნებრივობას ვერ იტევს
ვერა და ასე გარბის
გარბის ბაჭია !
შენი დედაც !
როდემდე გესმის?
შენ კიარა , ზოგადად
ადამიანი
როდემდე უნდა გარბოდეს?

სიტყვაა ცეცხლი
მან უნდა დაგწვას
და თუკი ჩემი სიტყვები
ვეღარ დაგანახშირებს
მე შევწყვეტ წერას.

რთულია მესმის ,
ამიტომ უყვართ ადამიანებს
შორიდან დგომა
შორიდან კითხვა
შორიდან ფიქრი
რადგან ახლოდან იწვები მხოლოდ
შორიდან თბები,
შენს გარშემო სიცივეს ჩემი ცეცხლი
ასე შორიდან
უბრალოდ ანეიტრალებს.

მე ვიწვი ჩემით
მე ვკვდები ჩემით
მერე ვცოცხლდები
ვტირივარ ჩემით
ვიცინი ჩემით.

მარცხნივ გაუხვევ გზა არის მოკლე
მარჯვნივ გაუხვევ გზა არის გრძელი
ვერ გადავწყვიტე
ვერ ავირჩიე
ვერ მოვაჭერი სიმართლეს
რაღაც ნაწილი,
ჰოდა მე ისევ
გზაგასაყართან ვდგავარ
და ნაბიჯს არ ვდგამ.